“მთიების” მიზანია ქართული მუსიკალური ფოლკლორის ნიმუშებს, როგორც ეროვნული თვითმყოფადობის გამოვლინებას, მაქსიმალურად შეუნარჩუნოს პირველადი ხასიათი, შესრულების აუთენტური ფორმები. მუსიკალურ მხარესთან ერთად მნიშვნელოვან ყურადღებას აქცევს აუთენტური ფერხულებისა და ცეკვების შესწავლისა და წარმოჩენის საქმესაც.

პირველადი ფორმების აღორძინების შესაბამისად, ამა თუ იმ სიმღერასთან ერთად, ანსამბლი აცოცხლებს იმ ქმედებასა და გარემოებებს, რომელთან განუყოფლადაც სრულდებოდა იგი ეთნოგრაფიულ ყოფაში. ანუ სცენაზე ააქვს ეთნომუსიკის თეატრი. ამიტომ თავადაც ეთნომუსიკის თეატრად იწოდება.

“მთიების” შემოქმედება გამოირჩევა ჟანრული მრავალფეროვნებით, რეპერტუარი მოიცავს ყველა კუთხის, მათ შორის საქართველოს დღევანდელ საზღვრებს გარეთ დარჩენილი ისტორიული მხარეების ფოლკლორსაც.

“მთიების” მიზანია საზოგადოებას აჩვენოს და მომავალ თაობას გადასცეს მუსიკალური ფოლკლორი თავისი ბუნებრივი სახით.

მთიების წევრები:
გიორგი გარაყანიძე – ხელმძღვანელი
ჯოკია გუგავა
ვანო დარასელია
გიორგი თოფურია
მარიამ ინანიაშვილი
მიხეილ იოსელიანი
მაგდა კევლიშვილი
ანი ნუცუბიძე
მამუკა ოსიშვილი
გიორგი პაიჭაძე
შალვა სირაძე
თინათინ შერვაშიძე
ერეკლე ცინცაძე
ლადო ჭანია
გიგა ხაინდრავა
ცირუ ჯიქია
კობა ხუციშვილი †